11th Admission 2025
11th Admission 2025 : 2025-26 शैक्षणिक वर्षासाठी 11वी प्रवेशप्रक्रिया अखेर सुरू होत आहे. सुरुवातीला तांत्रिक अडचणींमुळे ही प्रक्रिया काही काळ स्थगित करण्यात आली होती. मात्र, माध्यमिक आणि उच्च माध्यमिक शिक्षण संचालक डॉ. महेश पालकर यांनी नुकताच जाहीर केलेल्या नव्या वेळापत्रकानुसार, ही प्रक्रिया 26 मे 2025 रोजी सकाळी 11 वाजता पुन्हा सुरू होणार आहे.
तांत्रिक अडचण आणि प्रवेशप्रक्रियेतील विलंब
- ही प्रवेशप्रक्रिया 21 मे 2025 पासून सुरू होणार होती, मात्र सॉफ्टवेअर कंपनीच्या प्रणालीमध्ये बिघाड झाल्यामुळे अर्ज सादर करण्यास अडचणी आल्या.
- संबंधित तांत्रिक त्रुटी दुरुस्त झाल्यानंतरच ही प्रक्रिया आता पुन्हा सुरू करण्यात येत आहे.
नव्याने जाहीर केलेले प्रवेशाचे वेळापत्रक
शासनाने दिलेल्या नवीन वेळापत्रकानुसार प्रवेशप्रक्रियेचे टप्पे पुढीलप्रमाणे असतील:
- 26 मे ते 3 जून – ऑनलाईन अर्ज सादर करणे
- 5 जून – तात्पुरती गुणवत्तायादी जाहीर होईल
- 6 ते 7 जून – हरकती व त्यांचे निराकरण
- 9 ते 11 जून – प्रवेश निश्चिती (Confirmation)
- 11 ते 18 जून – संबंधित कनिष्ठ महाविद्यालयात प्रत्यक्ष जाऊन प्रवेश पूर्ण करणे
11th Admission 2025
अर्ज कसा करावा?
- विद्यार्थ्यांना https://mahafyjcadmissions.in/ या अधिकृत संकेतस्थळावर जाऊन ऑनलाईन अर्ज भरायचा आहे.
- अर्ज करताना कमाल 10 पर्यंत प्राधान्यक्रम नोंदवता येतील.
- अर्जाची फी ₹100 इतकी आहे, जी ऑनलाइन भरावी लागेल.
- विद्यार्थ्यांनी प्रवेश अर्ज भरण्यापूर्वी माहिती पुस्तिका काळजीपूर्वक वाचावी.
- 21 मेपूर्वी भरलेले सराव अर्ज संकेतस्थळावरून हटवण्यात आले आहेत, त्यामुळे सर्वांना नव्याने अर्ज भरावा लागेल.
प्रवेश अर्जासाठी आवश्यक कागदपत्रे
- दहावीचे गुणपत्रक (Original marksheet)
- शाळा सोडल्याचा दाखला
- ओळखपत्र (आधार कार्ड, PAN इ.)
- पासपोर्ट साईज फोटो
- जातीचा दाखला (असल्यास)
- इतर आरक्षण प्रमाणपत्रे (जर लागू होत असेल तर)
11th Admission 2025
ग्रामीण भागातील अडचणी व ऑफलाईन मागणी
- ग्रामीण भागातील कनिष्ठ महाविद्यालये 15 जूनपासून सुरू होतात, मात्र ऑनलाइन प्रक्रिया ठप्प झाल्यामुळे अडचणी निर्माण झाल्या आहेत.
- यामुळे काही शिक्षक संघटनांनी ऑफलाईन प्रवेशप्रक्रियेची मागणी केली आहे.
महत्त्वाच्या बाबी
- विद्यार्थ्यांनी वेळापत्रकानुसार अर्ज भरून ठेवावेत. उशीर झाल्यास प्रवेश मिळण्याची शक्यता कमी होते.
- प्रथम पसंतीचे महाविद्यालय मिळाल्यास तिथे प्रवेश घेणे बंधनकारक आहे.
- प्रवेशासाठी चार फेऱ्या असतील, आणि शेवटची फेरी सर्वांसाठी खुली ठेवण्यात येईल.
- राज्यभरात यावर्षी प्रथमच पूर्णपणे ऑनलाइन पद्धतीने 11वी प्रवेशप्रक्रिया राबवली जात आहे.
- यंदा राज्यात एकूण 20 लाख 43 हजार 254 जागा उपलब्ध आहेत.
- विज्ञान: 8.52 लाख
- वाणिज्य: 5.40 लाख
- कला: 6.50 लाख
अधिकृत संकेतस्थळ व अर्ज लिंक्स
- ऑनलाईन अर्ज भरण्यासाठी संकेतस्थळ: https://mahafyjcadmissions.in
तुम्ही दहावी उत्तीर्ण विद्यार्थी असाल तर ही माहिती तुमच्यासाठी अत्यंत उपयुक्त आहे. वेळेवर अर्ज भरून आपले भविष्य सुरक्षित करा. जर तुम्हाला यामध्ये काही मदत हवी असेल तर शाळेतील शिक्षक किंवा अधिकृत हेल्पडेस्कशी संपर्क करा.
शुभेच्छा!
